रानमेवा जांभूळ फळाचे अनेक फायदे
उन्हाळा संपताना आणि पावसाळ्याच्या तोंडावर रानमेवा असलेल्या जांभूळ फळाचे आगमन होते. जीभ आणि तोंडही जांभळे करणारी जांभळे लहान मुलांपासून वृद्धांपर्यंत सर्वांनाच आवडतात.जांभळाचे अनेक आरोग्यदायी फायदे असतात. जांभळामध्ये लोह, कॅल्शिअम, फॉस्फरस, क जीवनसत्त्व अधिक तर किंचित प्रमाणात ब जीवनसत्त्व असते.त्याचबरोबर प्रथिने, खनिजे, तंतूमय व पिष्टमय पदार्थ व थोडया प्रमाणात मेद असतो. त्याचबरोबर कोलीन व फोलिक आम्लही त्यामध्ये असते. जांभळाच्या कोवळ्या पानात ई जीवनसत्त्व भरपूर प्रमाणात आहे.जांभूळ हे बी मधुमेह या आजारावर अत्यंत गुणकारी आहे. लोहतत्त्व जास्त प्रमाणात असल्यामुळे याच्या सेवनामुळे रक्त शुद्ध व लाल होते.पोटदुखी, अपचन, अशुद्ध ढेकर येणे जांभूळ गुणकारी ठरते त्याचबरोबर यकृताची कार्यक्षमता वाढवून रोग प्रतिकारक शक्ती वाढते.आम्लपित्त अरुची, दात व हिरडया कमकुवत असतील रक्त येत असेल, पोटात येणारा मुरडा व अतिसार तर यावर जांभूळ गुणकारी ठरते.