म्हणून वाकून नमस्कार करतात
आपली परंपरा, आपली संस्कृती आपल्याला वयाने, कर्तृत्त्वाने मोठ्या असलेल्या व्यक्तींना वाकून नमस्कार करावयास शिकवते. चरणस्पर्श करण्याच्या या रीतीमागेदेखील काही आरोग्यदायी रहस्य देखील लपलेली आहेत. त्यावर एक नजर…
- स्वतःमध्ये आलेला ‘अहं’भाव आपल्यापेक्षा मोठ्या व्यक्ती पुढे झुकल्याने कमी होतो.
- कंबरेत वाकून खाली वाकणे म्हणजेच ‘पदहस्तासन.’ हे एक योगासन असून यामुळे शरीराचे आरोग्य सुधारण्यास मदत होते.
- पायांच्या बोटांपासून मेंदूपर्यंत होणारा रक्तप्रवाह सुधारतो.
- पोटाजवळील स्नायूंवर दाब आल्याने पचनाचे विकारही दूर राहतात.
- कमरेपासून सारे शरीर खाली झुकल्याने रक्ताभिसरणाची प्रक्रिया सुधारते परिणामी चेहर्यावरील कांती सुधारते.
- प्रामुख्याने लहान मुलांनी नियमित या आसनाचा सराव केल्यास त्यांची उंची वाढण्यास मदत होते.
- शरीरातील रक्तप्रवाह सुधारल्याने डोकेदुखी व निद्रानाशाची समस्या कमी होते.
- सकारात्मकता वाढते.
म्हणूनच तुमच्यापेक्षा कर्तृत्त्वाने, वयाने मोठ्या असणार्या व्यक्तींना वाकून नमस्कार करा. कारण याने तोटा नाही मात्र तुमचा फायदा नक्की होणार!